► Nada ◄ ... علي كرسي الإعتراف ...

اهلا بكي يا مشرفتنا النشيطة علي الكرسي

وانا ليا الشرف اني ابدا الاسئلة

1-اسمك
2-سنك
3-اين تعيشي
4-هواياتك

بس
اتمني مكنش رخم في الاسئلة

السلام عليكم اهلا ندى يا قمر انا اختك مروة عضوة معاكى فى المنتدى هنا و ياريت تكنش اسالتى تقيلة عليكى

اسئلتي هي:
1-كلمه لا تحبين ان تقال لك؟
2-متى تشعرين بالوحده؟
3-شخص ابتعد عنك هل تتركينه يرحل دون ان تعرفي السبب او تسالينه سبب ابتعاده عنك؟
3-متى تنزعل دموعك؟
يارب مكنش تقلت عليكى يا قمر

اهلا اهلا اهلا اهلا اهلا بيكى ندى انا مستنيكى والله بفارغ الصبر نورتى الكرسى والله نورتى الكرسى

ادى يا سيتى اسئلتى هى بسيطه جدا فى الاول بنبتدى باسئله بسيطه جدا

1 هل انتى مرتبطه

2 من الشخص الذى تحنى له وقت الشده او تلجئى له

3 ما هو اكتر موقف حرجك فى حياتك

4 ايه اكتر حاجه نفسك تحققيها فى حياتك

5 ازاى عرفتى المنتدى اقرا عالمك الخاص ـــ وفيه حاجه مش عجباكى فى منتدى اقرا

6 ايه الى بيشغل افكارك قبل النوم

7 هل هزمك حزنك فى يوما من الايام

اهلا بيكي ندي علي الكرسي والله منور الكرسي والمنتدي كله

نيجي بقه للاسئله بس انا مش هطول عليكي

اول سوال

(1) انتي حبيتي بجد ولو حبيتي اللي حبتيه اسمه ؟

(2) ماهي مواصفات فارس احلامك؟

(3) ايه العمل الخير الي نفسك تعمليه؟

(4) مين الي بتحبي تحكي معاه؟

وده يستي اخر سؤال

(5) ايه اسم الدلع اللي انتي بتحبيه ؟ ومين اللي بتحبي يناديكي بي ؟

بس ياست ندي دول الاسئله بس ياريت مكونش طولت عليكي ومستني اجاباتك اوك

اسئله THE SNIPER
1_انا اسمى ندى
2_انا سنى 16 سنه
3_انا بعيش فى حلوان
4_هوايتى هى التنس والركت
لا والله اسالتك مش رخمه ولا حاجه يا ريت كانت الاسئله الباقيه زى كده وبنفس السهوله دى شكرا ليك

اهلا بيكى يا مروه وياريت يكون ليا اخت زيك كده
1_الكلمه اللى مش بحب انها تتقالى كلمه الغرور
2_اشعر بالوحده عندمااحس بالحزن ومش لاقيه حد احكيلو
3_بصى يا مروه انا اللى يبعنى ابيعه واذاكان هو مشى من غير ميقول ليا ايه السبب ازاى انا ارحله واقوله ايه السبب
4_تنزل دموعى لما والدى يزعئلى
لا خالص انتى متقلتيش عليا ولا حاجه مرسيى ليكى على الاسئله الجميله دى

انتظرينىىىىىىىى يا ندىىىىىىى الاسئله الى فوق دى سهله جدااااا على الى انا هسالهالك

بقى كده يا عمرو انت شكلك عايز تنتقم منى اوى بس على العموم ليك يوم وهتقعد مكانى فى يوم من الايام
1_نعم
2_والدى
3_اكتر موقف حرجنى لم كانو ولدين غير محترمين واحد منهم كان هيلمس كوعى
4_ان انا احقق امل اهلى فيا وادخل كليه صيدله ان شاء الله
5_عرفت المنتدى من عمرو عشان هو قريبى ولا مافيش حاجه مش عجبانى
6_اللى بيشغل افكارى قبل النوم هو الامتحانات بتاعه الثانويه العامه
7-لا الحمدلله انا مفيش حاجه تقدر تهزمنى

بسم الله الرحمن الرحيم
اولا اسئلتم محرجه شويه مش اوى يعنى
1_انا حبيت مره واحده
2_مواصفات فارس احلامى انه يكون مؤدب وعنده دين واخلاق عشان يعرف يعاملنى بما يرضى الله وطبعا يكون وسيم ومقبول
3_ان انا ابقى صيدلنيه وادى الفقراء علاج ببلاش
4-اكيد اللى بحب احكى معاه اصحابى وولاد خالتى
5-عادى مش شرط اساسى عندى ان حد يدلعنى بس فى ناس بتدلعنى مش دلع واحد بس

انتى بقى يا ندى برج اية؟

اية اكتر حاجة عملتيها وندمتى عليها؟

مين اكتر حد بتثقى فية؟


يارب اكون مرخمتش عليكى يا قمر

1_انا برج الثور
2_لا الحمد لله مفيش حاجه لغايه دلوقتى عملتهاوندمت عليها ويا رب دايما كده
3-اكيد اكتر حد بثق فيه هى والدتى
لا ولا يهمك اسالتك مفهاش اى نوع من الرخامه شكرا ليكى

ايه ياندي الاجابات ديه كده انا معرفتش حاجه منها عموما انا مش هعلق عشان هسالك خدي عندك
بس ياستي هما دول الاسئله ياريت تجوبي عدل

كل ده ومجوبتش على حاجه ربنا يسامحك
1_لو عبيتى اتشبكت فى ومن غير ذكاء هكون لابسه تحتيها بنطلون جينز او اى بنطلون
2-عادى جدا اكيد اللى انا رايحه عندهم العزومه حد من قريبى او حد اعرفه عموما ممكن استلف من عندهم او اقلعه عادى مش كده كده اعرفهم
3-اكيد يعنى مش هستعر من اخويا فيها ايه دى بس انا اخويا ميعملش كده لان انت عارف ان الولاد اهم حاجه عندهم قبل ما ينزلو اللبس يكون شيك
4-لو دخلت من غير قصدى اكيد عادى يعنى مش هتكسف امال لو دخلت وانا عارفه ا ن ده بتاع الرجال يبقى انا كده بستعبط ودى عمرها متحصل
5_ازاى هركب عربيه زى بتاعتنا يعنى اعرفها واعرف اللى فيها واركبها لوحدى كمان وفيها شباب ازاى يعنى بالعقل
6_لو مكنش قصده واعتذرلى ماشى امال لو ساق فيها يبقى فى موقف تانى خالص دا انا كده اوديه للبوليس بجد ع فكره مش هزار
7_طب وفيها ايه مش كلها استراحات وخلاص هو انا هلعب بيهم يعنى
8-مادام هى صحبتى فيها ايه لو اختها سمعتنى بس ع العموم انا عمرى ما اصاحب واحده لبسها مش كويس

ممنازه بجد بجد ممتازه انتي زكيه ندي بس مش معقول تكوني انتي لوحد الي مجاوبه

امال مين يعنى اللى هيجاوب معايا انا اللى مجوباه لوحدى

ههههههههههههه عمور الاسئلة دي من برا المنهج عموما منورة الكرسي يا ندا ويا رب تكون الاسئلة سهلة ومن جوا المنهج

اسئله ايه اللى من بره المنهج ياحمد احنا فى امتحان ثانويه عامه ولا ايه
ركـــــــــــــــــــــــــــــــــــــــــــــز ياعم وانت بتكلم هااااااااااااااااااااااااااااااااااااا

فى الاسئله اللى جوابتى علــــــــــــــــــــــــــــــــــــــــــــــــــــــــــــــــــــــــــــــــــيها
بجد انتى ممتازه اوى

1- انتى بتحبى مين من المطربين ؟
2- هل لو جيبتى مجموع كويس فى تانيه ناويه تكملى علمى ولا ايه ؟
3- هل انتى تحبى الكوره ؟
3- انتى اهلاويه ولا زمالكويه ؟

كدا كفايه ربنا معاكى
ربنا معاكى

اهلا بيكى ندى منوره الكرسى يا مشرفتنا


1 ايه اكتر حاجه تتحرجى منها وايه اكتر حاجه تنرفزك
2 انتى بتحبى حد اكتر من نفسك ولو بتحبى هو مين
3 انتى ممكن تنسى واحد حبتيت اوى فى قد ايه
4 لو واحد كنسل فى وشك هتعملى ايه ولو واحد قلك انا اتخنقت منك هتعلمى ايه
5 ليه كل البنات كلمهم كله زى بعض
6 انتى ممكن تحولى تخطفى واحد صحبتك بتحبه
7 انتى ليه بتزعلى بسرعه

اسئله حسام
1_هو انا مش بحب حد واحد بس بحب عمرو دياب وشيرين
2_اكيد طبعا لو جبت مجموع حلو فى تانيه هكمل دى امنيه عمرى وحلم حياتى ان انااجيب مجموع فى تانيه ان شاء الله
3_طبعا بحبها مفيش حد مبيحبش الكوره
4_انا افتخر ان انا اهلاويه
يا رب ويكون ربنا معانا كلناامين يارب العالمين شكرا لاسئلتك

اسئله عمرو
1_اكتر حاجه اتحرج منها لم اكون فى مكان ومش عارفه فيه حد
2_لا الحمد لله انا مش هقولك بحب نفسى اكتر من اى حاجه ولكن بحب الناس اللى انا اعرفهم اكتر من نفسى ومفيش حد محدد
3_اولا النسيان ده بتاع ربنا الله اعلم اقدر انساه فى قد ايه
4_لو واحد كنسل فى وشى عادى هكنسل فى وشه هو كمان ولم اخد حقى واكنسل فى وشه هو كمان ولا هعبره بعد كده بس عادى ولوحدقالى انه اتخنق منى عادى هقوله مش اكتر منى والله دا انا مخنوقه اكتر منك
5_لا انا مش شايفه كده خالص ممكن يكون انت شايف كده بس انا مش معاك فى دى
6_لا طبعا عمرها ما تحصل معايا لان ده مش من اخلاقى ولا من تربيتى ان انا اعمل كده مع صحبتى
7_انا هقولك ليه اولا الزعل ده طبع عندى مع انى ساعات بحاول امسك نفسى ع حاجات انى مزعلش منها بس اهو بحاول بس ده بجد طبع

هاى ندى انا مراقب معاكى فى المنتدى وياريت اسألتى تكون مش تقيلى عليكى وانتى بجد نورتى الكرسى

ودى بقى الاسألة يارب تكون خفيفة

(1)ما هو تعريف الحب

(2)هل تؤمنى بالحب من اول نظرة

(3)ايمكن للحب ان يغير مجى حياتك

(4)ايهما اخلص الشب ام البنت

(5)هل الحب على الانترنت وغرفة الدردشة ممكن؟ (بمعنى ان تحب شخص لمجرد الافكار بدون معرفة سالة او صوتة



يارب ما اكون دايقتك باسالتى بس فى سؤال هل الحب دة حرام

اشطه عليك يامودي بس ندي مش بتغلب