8 ديسمبر يــــــــوم في حــــب مـــــــــصر

السادة اعضاء وزوار منتديات إقرا الكرام.
كل عام وانتم بخير ودائما في فرح وسعادة ثم أما بعد.

لنجعل يوم 8 ديسمبر القادم يوم في حب مصر كله يشجع مصر مفيش لا اهلي ولا زمالك كلنا مصر رجاء من الامن المصري مفيش فواصل بين الجمهورين نخلي الجمهورين مع بعض وجمب بعض مفيش حد يشيل علم الاهلي وعلم الزمالك الكل يشيسل علم مصر او علم الاهلي مع الزمالك كلنا بحس واحد هنهتف ونقول مصر هنقول للظلم لا.

لابد لنا من وقفة معا ونكون يد واحدة ضد اهانة الكرامة ولنجعل في هذا اليوم 8 ديسمبر يوم لقاء الاهلي والزمالك يوما في حب مصر .

أهداف الحملة : -
1 - شعار الجروب هو كلنا مصر لان بعد الاحداث الاخيرة لازم بجد كلنا نبئي ايد واحدة ونقول للظلم لأ ونقول للعدوان لا ونقول لاهانة الكرامة لا
2 - كله يوم 8 ديسمبر يروح الاستاد وهو شايل علم مصر مفيش لا اهلي ولا زمالك ويا سلام بئي لو كل واحد دخل الاستاد وهو شايل ال 3 اعلام مع بعض .
3 - ان تباع التذاكر مشتركة يعني تذاكر الاهلي والزمالك من نفس المكان.
4 - الغاء كل الفواصل الامنية والتشجيع بكل أحترام وبكل أخلاق لاننا زي ما قولنا انه يوم في حب مصر
5 - ممنوع اي شتيمة للجزائرين وممنوع الشتيمة بين الجمهور احنا زي ما أتفقنا انه يوم في حب مصر.
6 - يا ريت الروابط الرسمية للفريقين تقعد جمب بعض ويغنو اغاني مع بعض في اول الماتش ولما الماتش يبدا كل واحد يشجع فريقه بكل روح رياضية واوعو تنسو ده يوم في حب مصر

طبعا لجعل الحملة أكثر شهرة تم تدشين جروب للحملة علي الموقع الاشهر في العالم الفيس بوك واليكم رابط هذا الجروب ورجاء وليس أمر من كل الاعضاء الاشتراك فيه لمعرفة مدي نجاح حملتنا.
جروب يــــــــوم في حــــب مـــــــــصر
ايضا رجاء من كل الأعضاء المشتركين في المنتديات الأخري نشرها في اي منتدي تعرفه نظرا لأهمية الحملة وسمو أهدافها

انشاء الله هيتم ده ف الاستاد

باذن الله هيتم شكرا ليك احمد