Eman عضو نشيط
عدد المساهمات : 87 نقاط : 162 تاريخ التسجيل : 19/11/2009
| موضوع: حكايه الحاج بيومي السبت 09 يناير 2010, 10:56 pm | |
| حكاية الحاج تٌهامي
يا صباح الفل والياسمين بصبح على كل القاعدين وخصوصا انت يا عم أمين
أيوة يا سيدي مش شايف الورق اللي في إيدي؟ أسف يا ابني مخدتش بالي أصلي جعان انا ويا عيالي وأنا بقى اسمي الحاج تٌهامي
والموضوع مستعجل خالص أصل أنا لايص وكمان مديون وابني ومجنون ومراتي وعامية ومديحة وسامية شايلين الكلية ورفعنا قضية عَ البت زكية بنت البواب بنت أم دياب أصلها حرامية سرقت طعمية مِ الست بهية أم الأولاد
وعليا فلوس لابن أم فانوس تمن الرمان وعليا كمان قسط الدكان
والبت حنان أخت أبو إحسان عايزالها يا بيه آل إيه فستان أصلها مخطوبة للواد شعبان صاحب القهوة ده على طول بردان وبيستهوى لا ....وعنده ديدان محتاج شربة
هُص كفاية ايه ...دي دعاية؟! كله كلام في كلام في كلام عطلتني مش عارف أنام عايز ايه ؟ قول يالا أوام وبلاش تحكيلي حكاية طويلة وتقولي يا باشا اليد قصيرة وعنيا بصيرة قولي وعلى طول طلباتك ايه؟
ولا حاجة يا بيه أنا جايلك أهو ومعايا جنيه أعمل بيه ايه؟ أنا عايزك بقى تفتحلي وديعة وتكون باسم البت سميحة وتشغلهولي فِ كام مشروع أصل أنا والله ميت مِ الجوع ومعاد الدفع كمان أسبوع
امشي اطلع بره واوعاك تيجي بكره روح غور من وشي فورتلي دمي وعكرتلي يومي امشي امشي بدل أنده بيومي
متشكر ياابني طاب قول ايه ذنبي في شقاي وغلبي؟ ايه ذنبي في فقري؟
ربنا يرزقني ويرزق أولادي وبلاش تشتمني وتضيع هبتي ده انا يا ابني زهقت مِ الهم تعبت من خوفي كمان أنا والله سِكت أنا والله سِكت | |
|