على باب سفارة كندا
لمحت ابليس و في ايده استماره
بقول له على فين
قاللي بص ..يا هجره يا اعاره
يا عم زهقت كفرت
الاقيش معاك سيجاره
انا انتهيت خلاص
لا نافع وسواس ولا خناس
ولا ليا عيش وسط الناس
دي عالم مجرمين
عندكوا فائض في الفساد
في كل البلاد
ومش محتاجين شياطين
مليش عيش في البلد دي
بقالي سنين عاطل
و انتوا بتعرفوا
تقلبوا الحق باطل
و تسلكوا القاتل
و تمشوا في جنازة المقتول
ومفيش مشاكل
يا عم ده انا بقيت أوسوس بالمقلوب
و أقول للحرامي كفايه بقى توب
..انت هاتعمل كل الذنوب لوحدك
و أنا ابليس
أشتغل واعظ ولا كمساري في اتوبيس
يا عم ده انا زمان
..كنت استنى حد ينسى يسمي
..وهو بياكل لقمته
..دلوقتي كل اكلكم ملوث
..و بصراحه .....الواحد خايف على صحته
...ده مفيش ضمير اساسا
..عشان اموته
..و كل واحد بمزاجه
..خربانه ذمته
...يا عم ده كل حاجه اتسرقت
..وكده الاجيال الجديده
..م الحراميه اتظلمت
..يا راجل ده من كتر ما لطشت معايا
..خرجت في مظاهره
..مع الناس اللي بتقول كفايه
و برضه مفيش فايده
كنت زمان بوسوس للواحدة تسيب ابنها يعيّط
وهي بتحكي مع جاراتها, الان صاروا من نفسهم يرموا
اولادهم في الحاوية أوّل مايجوا!
كنت أوسوس للواحد ينسى يسمّي الله قبل الاكل
الان الناس لا يجدوا ما ياكلوة ه! ياراجل إذا أنا إبليس
تسمّمت بالشاورما! والدقيق الملوث واللحم الفاسد
كنت برضو بوسوس للشب يرميله كلمة ع البنت
وهي ماشية بالشارع,صارت البنات بتعاكس الشباب
بكلام أنا نفسي بستحي أحكيه!
إنتوعاوزين إبليس إنتو؟!
صار عندكم فائض في الفساد بكفّي 30 سنة لقدّام,
صرت أخاف على نفسي منكم!
موضوع: ابليس يهاجر من مصر 
الأربعاء 23 ديسمبر 2009, 7:56 pm
